ရွှေတံတားကို ၁၉၉၅ခုနှစ်တွင် နာယကဦးဉာဏ်ဝင်းနှင့် တည်ထောင်သူဒေါ်တင်တင်အေး တို့မှ မန္တလေးမြို့တော်စည်ပင်သာယာရေးကော်မတီ၏ ငွေချေးလုပ်ငန်းလိုင်စင်ရယူပြီး စတင်တည်ထောင်ခဲ့ပါသည်။ စတင်တည်ထောင်စဉ်က ဆိုင်ခန်းငှားရမ်းလုပ်ကိုင်ခဲ့ရသော်လည်း အားပေးသူ ဖောက်သည်တော်များကျေးဇူးကြောင့် နှစ်အနည်းငယ်အတွင်း ကိုယ်ပိုင်ဆိုင်ခန်းလေးဖြင့် အခိုင်အမာနေရာရလာခဲ့ပါသည်။ စတင်တည်ထောင်စဉ်ကတည်းက ဖောက်သည်တော်များ ယုံကြည်စိတ်ချမှုရှိရေးကို အထူးဂရုပြု အလေးပေးဆောင်ရွက်ခဲ့သည့်အတွက် ၂၀၁၈ခုနှစ်၊ မတ်လ ၂၈ ရက်နေ့တွင် စိန်ရွှေရတနာအရောင်းဆိုင်အား ထပ်မံဖွင့်လှစ်နိုင်ခဲ့ပါသည်။ ထိုသို့ဖွင့်လှစ်ခဲ့သည်မှစ၍ ဆိုင်သို့လာရောက်သူမှန်သမျှအား ဝယ်သည်ဖြစ်စေ၊ မဝယ်သည်ဖြစ်စေ ရတနာပစ္စည်းများကို ယနေ့တိုင် အကြိမ်ရေ အရေအတွက် အကန့်အသက်မရှိ "အခမဲ့" ဂျေးဆေးသန့်စင်ပေးနေဆဲဖြစ်ပါသည်။ ထို့အပြင် လက်ဝတ်ရတနာများ ဖြစ်လေ့ဖြစ်ထရှိသော ကြိုးပျက်ခြင်း၊ ကျောက်ပြုတ်ခြင်း၊ လက်စွပ်ကွင်းကျဉ်းခြင်း၊ ကျယ်ခြင်း၊ အရောင်မှိန်ခြင်းများကို ကူညီဆောင်ရွက်ပေးရာမှ ၂၀၁၉ခုနှစ်တွင် ပန်းထိမ်လုပ်ငန်းဟူ၍ သီးခြားဖွဲ့စည်းခဲ့ပါသည်။ ယခုအခါ *ရွှေတံတား* စိန်ရွှေရတနာလုပ်ငန်းစုဟူသော အမည်အောက်တွင် အဆိုပါလုပ်ငန်းသုံးခုသည် စုစည်းရပ်တည်လျက်ရှိပြီး ရတနာနှင့်ပတ်သက်သမျှကိစ္စအဝဝအား တစ်နေရာတည်းတွင် တထိုင်တည်း ကူညီဖြေရှင်းနိုင်အောင် ကြိုးစားလျက် ရှိပါသည်။
Jobs list posted by Shwe Tatar