Blog Detail

Untitled design (1)_292.png

For better opportunities

အလုပ်သစ်တစ်ခုကို ပြောင်းလျှောက်ဖို့ စိတ်ကူးနေပြီဆိုရင် ဒီ (5) ချက်ကို ပြင်ဆင်ထားပါ…

လက်ရှိအလုပ်မှာ အဆင်မပြေမှုတွေများနေလို့ ဒါမှမဟုတ် အတွေ့အကြုံသစ်တွေလိုချင်နေလို့ စသဖြင့် အကြောင်းအမျိုးမျိုးကြောင့် အလုပ်သစ်တစ်ခုပြောင်းလျှောက်ဖို့ စိတ်ကူးနေပြီဆိုရင်တော့ မဖြစ်မနေပြင်ဆင်ထားရမယ့် ကိစ္စလေးတွေရှိနေပါတယ်။

 

  1. ကိုယ့်ရဲ့ Social Media အကောင့်တွေကို ပြန်စီစစ်ပါ။

 

ဒီဘက်ခေတ်မှာ အလုပ်ခန့်တဲ့လူတွေဟာ ကိုယ့်ရဲ့ Social Media account တွေကို လေ့လာတာတွေလည်းရှိတတ်ပါတယ်။ အထူးသဖြင့် Linkedin လိုမျိုးမှာ ကိုယ့်ရဲ့ Information တွေကို Update လုပ်ထားသင့်ပါတယ်။

 

  1. ကိုယ်ပြောင်းလျှောက်မယ့် ကုမ္ပဏီအကြောင်း စုံစမ်းပါ။

 

ကိုယ်အသစ်ပြောင်းလျှောက်မယ့် ကုမ္ပဏီအကြောင်း အနည်းအကျဉ်း‌တော့ သိထားဖို့လိုအပ်ပါတယ်။ ကုမ္ပဏီဝက်ဆိုက်ကို ဝင်ကြည့်တာမျိုး၊ အဲဒီမှာရှိနေတဲ့ ဝန်ထမ်းတွေနဲ့ ကုမ္ပဏီအကြောင်း တီးခေါက်ကြည့်တာမျိုး လုပ်ထားပါ။ ကုမ္ပဏီနဲ့ သက်ဆိုင်တဲ့ သတင်းတွေဖတ်ထားပါ။ ဒါတွေက ကိုယ့်ကို အင်တာဗျူးမှာ အထောက်အပံ့ပေးပါလိမ့်မယ်။

 

  1. ကိုယ်လျှောက်မယ့် ရာထူးအတွက် ပြင်ဆင်ထားပါ။

 

ကိုယ်က ဘယ်လိုရာထူးမျိုးအတွက် လျှောက်မှာလဲ၊ ဒီအလုပ်သစ်ဟာ လက်ရှိ ကိုယ်လုပ်နေတဲ့ အလုပ်နဲ့ ဘာတွေကွာခြားမှုရှိသလဲ ။ ကိုယ့်မှာကော ဖြည့်စွက်ဖို့ လိုအပ်နေတဲ့ Skills တွေက ဘာတွေဖြစ်မလဲ စတဲ့အချက်တွေကို သုံးသပ်ပြီး ပြင်ဆင်ထားပါ။

 

  1. ကိုယ့်အထက်လူကြီးဖြစ်လာမယ့်သူကို စုံစမ်းထားပါ။

 

ကိုယ်လျှောက်မယ့် အလုပ်သစ်မှာ ကိုယ့်ရဲ့ အထက်လူကြီးဖြစ်လာမယ့်သူက ဘယ်သူဖြစ်မလဲဆိုတာကို စုံစမ်းထားပါ။ သိပြီဆိုရင် အလုပ်လျှောက်လွှာတင်တဲ့အခါ HR Department ကိုသာမက သူ့ရဲ့ မေးလ်ကိုပါ အလုပ်လျှောက်လွှာတင်တာက ပိုပြီးထိရောက်သလို ကိုယ့်အလုပ်လျှောက်လွှာကိုလည်း သတိထားမိပြီးသားဖြစ်သွားပါလိမ့်မယ်။

 

  1. အလုပ်လျှောက်လွှာကို သေချာပြင်ဆင်ပါ။

 

နောက်ဆုံးအဆင့်ဖြစ်တဲ့ အလုပ်လျှောက်ခြင်းအဆင့်ကတော့ အရေးကြီးဆုံးပါပဲ။ အလုပ်လျှောက်တဲ့အခါ တစ်ဖက်က ကိုယ့်ကို သဘောကျနှစ်ခြိုက်ပြီး လျှောက်ထားတဲ့အလုပ်နဲ့ ကိုက်ညီမှုရှိတဲ့သူဖြစ်အောင် အလုပ်လျှောက်လွှာကို သေချာပြင်ဆင်ထားဖို့လိုအပ်ပါတယ်။ Resume နဲ့ cover letter တွေမှာ ကိုယ့်ရဲ့ အရည်အချင်း ၊ လုပ်နိုင်စွမ်းရည်တွေနဲ့ လုပ်ငန်းအတွေ့အကြုံတွေကို ထင်သာမြင်သာအောင် ရှင်းလင်းတိကျစွာဖော်ပြပေးထားဖို့ လိုအပ်ပါတယ်။

 

ဒီအချက် (၅) ချက်ကိုသာ သေချာပြင်ဆင်ထားမယ်ဆိုရင် ကိုယ်ပြောင်းချင်တဲ့ အလုပ်သစ်ကို ရရှိသွားနိုင်မှာသေချာပါတယ်။ တစ်ဆက်တည်းမှာပဲ ကိုယ့်ရဲ့ အလုပ်သစ်မှာ ကိုယ့်ရဲ့ Skills တွေ၊ Performance ကောင်းကောင်းပြနိုင်ဖို့ ဘာတွေ လုပ်ရမလဲဆိုတာလည်း ကြိုတင်စဉ်းစားပြင်ဆင်ထားမယ်ဆိုရင်တော့ အကောင်းဆုံးပါပဲ။